قصه حقيقيه حدثت في أرض مصر تحكي عن :

الناس ال دايما بتسألني انتا زاي وصلت للمكان داه انا هحكلكم انا قبل مسافر السعوديه كنت شغال عامل نضافه وكان المكان ال انا شغال في كان في بنت معقده نفسيا هي ال كانت ماسكه المكان أصحاب المكان محترمين إنما هي دايما كانت تبصلي بقرف وتقولي اغسل دي ونضف دي بطريقه كلها كبرياء وتعالي لدرجة اني في يوم مستحملتش وخرجت والدموع بتنزل من عنيا وعمال اقول يارب عوضني خير يارب ارزقني بمكان احسن من داه وكنت مفحوم من العياط والله العظيم مشيت اكتر من ساعه لحد ما لقتني في المهندسين عند قدوره بتاع السمك ولقيت ناس كتير ملمومين وبسألهم في اي قالو بنقدم على سفر للسعوديه وقفت معاهم ودخلت ووصلت للباب الاستاذ ال في المكتب قالي ال مطلوب عمال والشغل في السعوديه قولت ماشي راح مدخلني للمهندس عشان يختبرني المهندس سألني شوية اسئله بساط وبعد كده قالي انتا كده اتقبلت بس احب افهمك ان الراتب قليل الراتب الف الريال بصراحه اترددت وقولتله الشغل فين قالي في الحرم المكي جسمي قشعر من الكلمه وقولتله هاروح ولو مش هقبض راتب خالص خرجت وبعد مكنت بعيط بقيت طاير من الفرحه وطول الطريق بقول لبيك اللهم لبيك وبقول لنفسي معقوله انا هبقي خادم في الحرم مكنتش، مصدق جهزت ورقي وكل حاجه وسافرت السعوديه وبعد ثلاث ايام اشتريت احرام عشان نروح نعمل عمره اول ما شفت الكعبه كأني اول مره اشوفها لقتني ببكي من الفرحه تاني يوم نزلت الشغل شغلي كان عامل نضافه في الحرم لما كنت بمسك المساحه وامسح كنت بحس اني اسعد انسان في العالم عشان انا مش، بخدم في، بيت حد عادي انا بخدم في، بيت الله الحرام كنت كل يوم بشكر ربنا على هذه النعمه لحد ما في، يوم اتعرفت على مدير التشطيبات بالحرم المكي مدير مصري محترم نقلني من العماله الي السلامه والصحه المهنيه مدير السلامه اسمه المهندس راكان اخدني ودربني واداني كورسات في السلامه والصحه المهنيه وعلمني ازي ابقي مراقب سلامه وصحه مهنيه غيرلي المسمى الوظيفي من عامل الي مراقب سلامه وصحه مهنيه وساعدني اني ابقى من المشاركين في تركيب كسوة الكعبه المشرفه ومش بس كده كمان ربنا كرمني وكنت من المشاركين في ترميم الكعبه من الداخل لما داخلت الكعبه من جوه سبحان الله مفيهاش، شباك ومنوره ل وحدها مش هقدر اوصفلك كمية الراحه النفسيه كمان كان في تكسير وغبار بيطلع ريحة الغبار مثل العطر ريحة العطر مشمتهاش قبل كده كانت زي الدواء نزل على قلبي شفاه من كل ضيق ونسيت كل حاجه نسيت التعب والازمات وكل حاجه وحشه حصلت في حياتي خرجت من الكعبه ببص في الساعه لقتني قاعدت فيها خمس، ساعات والله كأنهم خمس دقائق انا كنت واثق ان ربني هيعوضني خير بس اني اعمل عمرة واحج واصلي داخل الكعبه عمري ماتخيلت كده الحمد لله الذي أكرم على بهذه النعمه انا اه نزلت نهائي بس انا واثق في ربنا انه هيردني تاني محدش، يقدر يمنع عنك شيئ ربنا كاتبه ليك

منقول